KANADA UYGHUR JEM’IYITI NIZAMNAMISI

Birinchi: Teshkilatning Nami

1. Teshkilat nami Kanada Uyghur Jem’iyiti (towende qisqartilip K.U.J dep elinidu).

Ikkinchi: Teshkilatning Pirinsipliri

2. K.U.J Sherqiy Turkistanning omumi ehwali heqqide barliq qanuniy wastilerdin paydilinip, kanada doliti we xelqige teshwiqat elip baridu. Teshwiqatning mezmuni ikki hil bolup, biri sirtqa  qarita teshwiqat:  Buningda, Sherqiy Turkistan xelqining tarihi, medeniyiti, din-etiqadi, orp-aditi we ularning siyasiy telepliri shundaqla nowettiki siyasiy, iqtisadiy ehwali teshwiq qilinidu.

 Ikkinchisi bolsa ichki teshwiqat bolup, buningda Kanadada yashawatqan barliq Sherqiy Turkistanliqlargha ularning esli milliy we diniy kimliki teshwiq qilinish bilen birge, Kanadaning demokratiye we kishilik hoquqtin ibaret qimmet qarashliri  terghip qilinidu.

3. K.U.J Kanadadiki xelq’ara kishilik hoquq teshkilatlirining nizamnamisigha hormet qilghan we herqandaq shekildiki terorizimgha, diktatorluqqa we irqiy qirghinchiliqqa qarshi helq’araliq birlik sepni qollighan asasta, shundaqla Xitay hokumitining Sherqiy Turkistanda elip barghan we elip beriwatqan putun zorawanliq qilmishlirini, shuning bilen birge, ozliri imzalighan helq’ara qanunlargha ozlirining eghir derijide hilapliq qiliwatqan ish-heriketlirini pash qilish we eyiplesh arqiliq, Xitay hokumitining Sherqiy Turkistanda elip beriwatqan mustemlikichil zorawanliq siyasitini derhal tohtitishi hemde Sherqiy Turkistan xelqige oz teqdirini ozi belgulesh hoquqini shertsiz qayturup berishi uchun Kanada hokumini, xelqini we Kanadadiki xelq’ara teshkilatlarni hemkarlishishqa, Sherqiy Turkistan xelqining oz teqdirini ozi belgilesh uchun elip beriwatqan heqliq kurishini maddiy we meniwiy jehettin  qollashqa we siyasiy-iqtisadiy jehettin Xitay hokumitige besim ishlitishke chaqiridu.

4. K.U.J Sherqiy Turkistan dawasini we Sherqiy Turkistan xelqining heq-hoquqlirini etirap qilish sherti astida, Kanadadiki herqandaq teshkilat we herqandaq shehs bilen  hemkarliq elip baridu.

5. K.U.J Uyghur medeniyet tetqiqati we medeniyet miraslirini qutquzush retlesh we neshr qilish ishlirini elip baridu.

6. K.U.J ma’arip mesilisini muhim kun tertipke qoyup, her xil wastilerdin paydilinip, Sherqiy Turkistan oqughuchilirining Kandada oqush pursitini yaritishqa tirishidu.

7. K.U.J Kanadadiki munasiwetlik organlar we helq’ara teshkilatlar bilen zich munasiwet ornutup, Sherqiy Turkistanliq siyasiy panahlan’ghuchi hem kochmenlirining panahliq we koch mesilisini alahide kun tertipke qoyidu we qanuniy yollar bilen hel qilishqa tirishidu.

8. K.U.J pirinsip jehette Dunya Uyghur Qurultiyining nizamnamisini qobul qilidu we Dunya Uyghur Qurulteyi ledirini Sherqiy Turkistan xelqining demokratiye we kishilik hoquq herikiti lediri dep tonuydu.

9. K.U.J Kanadaning herqaysi olke-sheherliride mezkur jemiyetning shobilirini quridu.

Uchinchi: Teshkilatning  Xarektiri

10. K.U.J  demokratiye we kishilik hoquqni teshebbus qilidighan, insanperwerlikni himaye qilidighan, tenchliqni soyidighan ammiwi teshkilat.

Totinchi: Teshkilatning Meqsidi

11. K.U.J ning meqsedi Sherqiy Turkistan xelqining adilane dawasini qollash shundaqla Kanadadiki Sherqiy Turkistanliqlarning milliy we diniy kimlikini saqlap qelishtin ibaret.

Beshinchi: Teshkilatning Qurulmisi

1) Omumiy Yighin

12. K.U.J ning omumiy yighini K.U.J ning eng ali orgini hesaplinidu.

13. Omumiy yighin pirinsip boyiche her ikki yilda bir qetim otkuzilidu. emma alahide ehwalda burun yaki keyin chaqirishqimu bolidu.

14. Omumiy yighingha qatnashqan ezalarning sani omumi ezalar sanining 2/3   qisimigha yetmise yeghinning qanuniy salihiyiti bolmaydu.

15. Omumiy yighinning kuntertipi towendikiche:

- Re’isning xizmet doklati

- Katipning xizmet doklati

- Teptishning xizmet doklati

- Kassirning  maliye hesabidin doklati

- Da’imiy hey’etni tarqitish

- Saylam kometiti teshkillesh

- Re’islikke namzat korsitish

- Saylam

- Da’imiy hey’etni teshkillesh

- Nizamnamige qayta qarap chiqish

- Qarar we pilanlarni maqullash

- Re’isning ximet pilanini anglash we testiqlash

2) Saylam Kometiti

16. Saylam komutiti K.U.J omumiy yighinining saylam pa’aliyitini teshkilleydighan waqitliq organ bolup, saylamdin keyin emeldin qaldurilidu.

17. Saylam kometiti demokratik usulda tallanghan 5 neper wekildin terkip tapidu.

18. Re’is we da’imiy hey’et ezaliri saylam kometitigha kirelmeydu. 

3) Saylam

19. K.U.J ning herqandaq ezasi ozini saylam kometiti aldida re’is namzatliqigha korsetse bolidu.

20. Saylam kometiti re’is namzatlirini saylamgha sunidu.

21. Re’is omumiy yighinning mutleq ustun awazi bilen qanuniy salahiyetke ige bolidu.

22. K.U.J ning Re’isini omumiy yighin maqullaydu.

23. Re’isning wezipe otesh mudditi 2 yil bolidu. Peqetla 2 qetim arqa arqidin saylinish hoquqi bolidu.

24. Re’is da’imiy hey’etke namzat korsitidu. Emma korsetken namzatlar omumiy yighinning maqullishidin otushi kerek.

4) Da’imiy Hey’et

25. Da’imiy hey’et K.U.J ning ijra’iye orgini bolup, u, re’is, katip, teptish kassir we bashqa 3 da’imiy hey’et ezaliridin terkip tapidu.

26. Da’imiy Hey’et K.U.J omumiy yighini maqullighan nizamnamige asasen  pilan-wezipelerni ijra qilish mesuliyitini oteydu.

27. Re’is omumiy yighin maqullighan hizmet pilanini barliq da’imiy hey’et ezalirigha muwapiq teqsim qilidu we emilileshturidu.

28. Da’imiy hey’et pirinsip boyiche her ayda 1 qetim yighin chaqiridu.

29. Da’imiy hey’etning jiddi ehwallarda da’imiy hey’etke eza tolushlash we wezipige qoyush salahiyiti bolidu. Biraq bu ishtin K.U.Jning barliq ezalirini uchur arqiliq xewerdar qilishi kerek.

30. Da’imiy hey’et ozining ichki yighini arqiliq hey’et ezasini chekindurush yaki qobul qilish hoquqi bolidu.

5) Re’isning Wezipisi

31. Re’is K.U.J ning omumi hizmetlirige yetekchilik qilidu we mes’ul bolidu.

32. Re’is da’imiy hey’etning hizmetlirini idare qilidu. Shundaqla, da’imiy hey’etning qarari bilen omumiy yighin chaqiridu.

33. Re’is K.U.J ning qanuniy wekili hesaplinidu.

34. Re’is K.U.J ge wakaliten hokumet alaqilirigha mes’ul bolidu.

 6) Katipning Wezipisi

35. Katip K.U.J ning omumiy hizmetliride re’is yardemchisi rolini oteydu.

36. Katip yighin xatirisi we yighin qararini yazidu hem alaqe ishlirini bashquridu. Shundaqla K.U.J ning arxip hizmitige mes’ul bolidu

37. Katip K.U.J ning kundilik ishlirini bir terep qilidu.

38. Katip re’is bolmighan shara’itta yaki reisning hawalisi bilen re’iske wakaliten ish bejiridu we da’imiy hey’etning yighinlirini chaqiridu we bashquridu.

7) Kassirning Wezipisi

39. Kassir K.U.J ning maliye ishlirigha mes’ul bolidu hemde pochta hesawati we banka hesawatini bashquridu.

40. Kassir K.U.J ning barliq kirim-chiqim hesawat ishlirini bir terep qilidu.

41. Kassir K.U.J ning xamchot hem neq pul hesap doklatini teyyarlaydu we omumiy yighin’gha sunidu.

8) Teptishning Wezipisi

42. Teptish K.U.J ning omumiy xizmetlirige nazaretchilik qilidu.

43. Teptish K.U.J da’imiy hey’itinin xizmetlirige nazaretchilik qilidu.

44. Teptish K.U.J ning maliye hesawatini tekshuridu.

45. Teptish K.U.J ning xizmitide chong intizamsizliq korulse yaki kimki tekshurushni ret qilsa yazma alaqe arqiliq K.U.J ning barliq ezalirini xewerlenduridu.

46. Teptish K.U.J ning teptish doklatini teyyarlaydu we omumiy yighin’gha sunidu.

9) Ezaliq

47. Esli Sherqiy Turkistanliq bolghan Kanadaliq (Kanadada dawamliq olturaqlashquchi) weyaki esli Sherqiy Turkistanliq bolghan herqandaq bir Kanadaliq (Kanadada dawamliq olturaqlashquchi)qa oylen’gen er yaki ayal 18 yash yaki uningdin yuquri bolsila K.U.J ge eza bolalaydu. Emma yuquriqi xertni hazirlighan herqandaq adem K.U.J ge eza bolushni ozi iltimas qilghan we K.U.J nizamnamisini toluq etirap qilghan bolishi shert.

 10) Ezaliq Bedili

48. K.U.J ning ezasi ezaliq bedili uchun ayda 10 Kanada dolliri tapshuridu.

11) Ezaning Hoquqi

49. K.U.J ning ezasi saylash we saylinish hoquqigha ige.

50. K.U.J ning ezasi mezkur jemiyetning omumiy xizmetlirige qarita pikir bayan qilish, teklip berish, nazaret qilish we da’imiy hey’et ezaliri mezkur jemiyetning pirinsiplirigha xilap ish qilghan ehwalda uchuq ashkara tenqitlesh hem ularning sewenlikini korsitip berish hoquqigha ige.

12) Ezaning Mejburiyiti

51. K.U.J ning ezasi mezkur jemiyetning nizamnamisigha tuluq we shertsiz boysunishi kerek.

52. K.U.J ning ezasi mezkur jemiyetning omumiy menpe’etini we abroyini qoghdishi kerek.

53. K.U.J ning ezasi mezkur jemiyettin oz raziliqi bilen tapshurup alghan wezipini waqtida orunlishi kerek.

54. K.U.J ning ezasi  ezaliq bedel pulini waqtida tapshurishi kerek.

13) Ezaliqtin Chekinish

55. Ezaliqtin chekinishte herkim yazma iltimas qilip xalighan waqitta chekinse bolidu. Biraq chekinish sewebini kositishi kerek.

14) Ezaliqtin Qaldurush

56.  Herqandaq eza towendiki ehwalning birini sadir qilsa, da’imiy hey’etning qarari bilen ezaliqtin qaldurilidu:

- Sewepsiz, arqa-arqidin 3 qetim pa’aliyetke kelmeslik

- Sewebsiz, arqa-arqidin 3 qetim ezaliq bedel puli tolimeslik

- Nizamnamigha eghir derijide hilapliq qilish

- K.U.J ning omumiy menpe’etige siyasiy we iqtisadiy jehettin ziyan selish

- K.U.J ning mexpiyetlikini ashkarilap qoyush

Altinchi: Teshkilatning Tarqilishi

57. K.U.J ning barliq ezaliri 2/3 awaz bilen mezkur jemiyetning tarqilishini qarar qilsa, u chaghda, K.U.J emeldin qalghan bolidu.

Yettinchi: Qoshumche

58. Mezkur nizamname 2009-yil 15-Awghust kuni Toronto shehride K.U.J ning nowettiki da’imiy hey’et ezalirining toluq awazi bilen kelerki omumiy yighin’ghice waqitliq maqullandi.